ਬਰੈਂਪਟਨ ਸਿਟੀ ਨੇ ਆਟੋਮੈਟਿਕ ਸਪੀਡ ਇਨਫੋਰਸਮੈਂਟ ਕੈਮਰਿਆਂ ਦੀ ਗਿਣਤੀ ਵਿੱਚ 50 ਕੈਮਰੇ ਹੋਰ ਵਧਾ ਦਿੱਤੇ ਹਨ, ਜਿਸ ਨਾਲ ਸ਼ਹਿਰ ਵਿੱਚ ਹੁਣ ਕੁੱਲ 150 ਸਰਗਰਮ ਕੈਮਰੇ ਹੋ ਗਏ ਹਨ।
ਸ਼ਹਿਰ ਨੇ 2020 ਵਿੱਚ ਕਮਿਊਨਿਟੀ ਸੇਫਟੀ ਜੋਨਾਂ ਵਿੱਚ ਇਹ ASE ਕੈਮਰੇ ਲਗਾਉਣ ਸ਼ੁਰੂ ਕੀਤੇ ਸਨ। ਪਹਿਲਾਂ ਸ਼ਹਿਰ ਕੋਲ 50 ਗਰਾਊਂਡ-ਮਾਊਂਟ ਕੈਮਰੇ ਸਨ, ਜਿਨ੍ਹਾਂ ਨੂੰ ਵੱਖ-ਵੱਖ ਇਲਾਕਿਆਂ ਵਿੱਚ ਬਦਲ-ਬਦਲ ਕੇ ਲਾਇਆ ਜਾਂਦਾ ਸੀ।
2024 ਵਿੱਚ ਸ਼ਹਿਰ ਨੇ ਇਹ ਐਲਾਨ ਕੀਤਾ ਸੀ ਕਿ ਇਹ ਗਰਾਊਂਡ-ਮਾਊਂਟ ਕੈਮਰੇ, ਜੋ ਅਕਸਰ ਤੋੜ-ਫੋੜ ਦਾ ਸ਼ਿਕਾਰ ਹੁੰਦੇ ਰਹਿੰਦੇ ਸਨ, ਨੂੰ ਹਟਾ ਕੇ 200 ਨਵੇਂ ਪੋਲ-ਮਾਊਂਟ ਕੈਮਰੇ ਲਗਾਏ ਜਾਣਗੇ।
ਹੁਣ ਤੱਕ ਸ਼ਹਿਰ ਨੇ 150 ਕੈਮਰੇ ਲਗਾ ਦਿੱਤੇ ਹਨ ਅਤੇ ਕਿਹਾ ਗਿਆ ਹੈ ਕਿ ਜੁਲਾਈ ਦੇ ਅੰਤ ਤੱਕ ਇਹ ਗਿਣਤੀ 185 ਤੱਕ ਪਹੁੰਚਾ ਦਿੱਤੀ ਜਾਵੇਗੀ।