ਅਲਬਰਟਾ ਦੇ ਬੈਟਲ ਰਿਵਰ–ਕ੍ਰੋਫੁਟ ਰਾਈਡਿੰਗ ਵਿੱਚ ਫੈਡਰਲ ਜ਼ਿਮਨੀ ਚੋਣ 18 ਅਗਸਤ ਨੂੰ ਹੋਵੇਗੀ
ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ ਐਲਾਨ ਕੀਤਾ ਹੈ ਕਿ ਅਲਬਰਟਾ ਦੀ ਬੈਟਲ ਰਿਵਰ–ਕ੍ਰੋਫੁਟ ਰਾਈਡਿੰਗ ਵਿੱਚ 18 ਅਗਸਤ ਨੂੰ ਫੈਡਰਲ ਬਾਈਇਲੈਕਸ਼ਨ ਹੋਵੇਗੀ। ਇਸ ਨਾਲ ਕੰਜ਼ਰਵਟਿਵ ਪਾਰਟੀ ਦੇ ਨੇਤਾ ਪੀਅਰੇ ਪੌਲੀਵਰ ਲਈ ਹਾਊਸ ਆਫ ਕਾਮਨਜ਼ ਵਿੱਚ ਮੁੜ ਵਾਪਸੀ ਦਾ ਰਸਤਾ ਖੁਲ ਸਕਦਾ ਹੈ।
ਸੋਮਵਾਰ ਨੂੰ ਇਹ ਐਲਾਨ ਉਸ ਤੋਂ ਘੱਟੋ-ਘੱਟ ਦੋ ਹਫਤੇ ਬਾਅਦ ਆਇਆ ਹੈ, ਜਦੋਂ ਕੰਜ਼ਰਵਟਿਵ ਸਾਂਸਦ ਡੈਮੀਅਨ ਕੁਰੇਕ ਨੇ ਆਪਣੀ ਸੀਟ ਅਧਿਕਾਰਕ ਤੌਰ 'ਤੇ ਛੱਡ ਦਿੱਤੀ ਸੀ।
ਕੁਰੇਕ ਨੇ ਪਿਛਲੇ ਮਹੀਨੇ ਹੀ ਆਪਣੇ ਅਸਤੀਫੇ ਦੀ ਇੱਛਾ ਜ਼ਾਹਰ ਕਰ ਦਿੱਤੀ ਸੀ ਤਾਂ ਜੋ ਪੌਲੀਵਰ ਇਸ ਰਾਈਡਿੰਗ ਤੋਂ ਚੋਣ ਲੜ ਸਕਣ — ਇਹ ਕੰਜ਼ਰਵੇਟਿਵ ਪਾਰਟੀ ਦੀ ਸਭ ਤੋਂ ਸੁਰੱਖਿਅਤ ਸੀਟਾਂ ਵਿੱਚੋਂ ਇੱਕ ਮੰਨੀ ਜਾਂਦੀ ਹੈ।
ਪਰ ਹਾਊਸ ਦੇ ਨਿਯਮਾਂ ਅਨੁਸਾਰ, ਕੁਰੇਕ ਨੂੰ ਕੈਨੇਡਾ ਗੈਜ਼ੇਟ ਵਿੱਚ ਉਨ੍ਹਾਂ ਦੀ ਚੋਣ ਪੋਸਟ ਹੋਣ ਤੋਂ 30 ਦਿਨ ਬਾਅਦ ਹੀ ਅਸਤੀਫਾ ਦੇਣ ਦੀ ਇਜਾਜ਼ਤ ਸੀ।
ਪੌਲੀਵਰ ਦੀ ਪੂਰਵ ਓਟਵਾ ਖੇਤਰ ਦੀ ਕਾਰਲਟਨ ਰਾਈਡਿੰਗ ਵਿੱਚ, ਵੋਟਰਾਂ ਨੇ ਇਕ ਹੈਰਾਨੀਜਨਕ ਨਤੀਜੇ ਵਿੱਚ ਲਿਬਰਲ ਸਾਂਸਦ ਬਰੂਸ ਫੈਨਜੌਏ ਨੂੰ ਚੁਣ ਲਿਆ। ਪੌਲੀਵਰ 2004 ਤੋਂ ਲਗਾਤਾਰ ਸੱਤ ਵਾਰ ਇਸ ਰਾਈਡਿੰਗ ਤੋਂ ਚੁਣੇ ਜਾਂਦੇ ਆ ਰਹੇ ਸਨ।
